自古以來颱風的形成，都是有跡可找，在天所想是一個傀儡仔風，咱台灣人講傀儡仔風，傀儡仔風慢慢形成的時拵變成一個風柱，風柱風灌起來，當時的時拵古早是所在空曠，人少、風勢亦無赫呢強，水、山河水的時拵攏是安呢細滔細流，海的時拵形成攏是安呢水流無赫呢最，水流無赫呢最。
到尾仔慢慢在這個人、動物上那來那最、那來那最，到尾仔就是氣候會影響，人的氣勢會影響，迄拵則慢慢氣流那來那強。自古早以來，天地間所有氣流無赫呢強，因為空氣佮水、風就是各方面的時拵攏是慢慢形成了後時，則有造成如今的風颱，咱講颱風、風颱。在地球的空間每個所在講法無同款，每個所在講法無同，但是千篇一律攏是空氣佮人的想念，所以造成這種的風勢。
其實颱風對人類雖然有破壞，雖然有損失，但是對人的影響、幫助嘛是蓋大。比如講一個山川河流，伊的河道經過人為的改變了後時，在這個無形界時看是簡若是呣對啦！因為天所降落來的物件，攏是在這個地下愛去吸收，地下吸引的時伊攏有一個路，正經的路愛去行，所以尹有倘時在天頂高的時落來，佮地下的溝流、水流、河川的時無相合的時，因為都會利用颱風的時來佮做成一個整頓。
比如講河流的改道、人心的影響的轉變，攏會在這個人的想法中的時，一陣的颱風或是大雨或是各方面、生死所造成的流放。所謂流放就是講，在人經過一個水災風災，可能一個家庭會變故，農作物會損失，各方面的總是愛去思考。因何這個颱風影響會赫呢大，因為在這個水流水氣各方面在打合的時拵，會改變各個區域的氣候挌水氣的影響，有倘時在迄個水氣變動的時，好孬當然會分啦，好壞攏會分，總算是一個整頓。
整頓了是講這個地區的時拵，人心比較卡好，人心比較卡好的時拵，尹會使把這個好的氣流帶到迄個所在，這個空氣中的時拵再增加伊的地氣的互化、互養、演化，攏會改變迄個地方的地質。地質改變的時，人心順便改變，好孬就是看當地人的轉變，把有的人地質真孬的時拵，拄好對颱風來就順遂佮伊改變；因為氣候氣流利用到水氣佮地質的流動了後時，攏會完全改變地的氣場，即嘛的人講呼做磁場、磁場。
伊的地質改變了後時，可能這個所在經過三十年五十年的穩定了後時，地質完全會改觀。比如講孬的所在、這個地質可能孬的，但是經過一陣的颱風了後時，迄個所在的時好孬一個的大翻轉大演化，到尾仔再經過一段時間伊會變無同款。當然啊，有倘時應證在這個時間卡短就造成改變，有倘時是三十年五十年、甚至算上百年以上會改變攏會有，因為一個地、地質的時拵，伊的厚度是無可限量的。
雖然地球是圓的轉轉，但是平常水流、氣流攏一直在移轉在改觀再移轉，比如講土質土壤的改觀的改變，在這個地上所有的動植物的時拵，在形成當中互相互助互化產生化學作用，這個地靈地氣的時攏會使這地資源、地質各方面改變。譬如講地下氣流的流動，都會當移動這個所在，雖然一個金礦一個礦物質，迄個所在可能有幾百年幾千年的存在，但是一場的颱風轉變，會使把這個移位移到別的所在；所擺咱講有福氣的人就是徛到好的所在，無福氣的人好的所在摕，伊嘛會當去佮伊移轉改觀。這種氣候氣流佮人心的互化互動，攏是真奧妙的。
所擺自古以來，天地佮這個動物、植物各方面的流動氣流，比如講氣候的轉變想法，呣是簡若人的思想各方面改變，包括所有的動物啦、植物的影響嘛蓋大。比如講一個植物對這個人有影響，伊迄個物件的時嘛是同款會吐伊的氣，氣的時拵嘛是會影響迄個區域的空氣中。比如講種好的植物了後時，伊這個氣集中做伙，因為一個物件沾到地氣的時拵，伊就有嘿氣流，無論啥物件。
比如講一個柴仔、硬的無路用的物件，但是伊在這個地的時佮這個地接觸，伊地氣地質就會往上這個物件，往上發出這氣流，氣流唯頂高空氣中起去，就完全無同款的改變。比如講一堆柴仔可能嘿攏乾的無路用，但是伊佮下跤的時已經有佮地接觸，那地有地資源，拄好迄個地資源的時，嘿物件拄仔好的物件氣流唯地下一直流竄流竄，竄到這堆柴仔起來，柴起來產生這個氣流，氣流往上浮的時，伊會影響嘿區域的空氣的好孬，都會有些轉變。
所擺天地間萬物，萬物攏是在這個天地的氣再互相互化，互演嗲演化，所以人的得得失失在這當中，呣是簡若講赫呢單純，簡那為著生活、思想各方面，想法就會當改變。因為天地間所有的萬物攏是嗲互動互化，互相生存互相殘殺，這攏是一個正常的道理。
目前的颱風已經造成這個氣的流動，路差不多攏有一個固定咧轉咧走，所擺有咧做颱風的所在有嘿線路，颱風有颱風線，颱風線的時了後伊會轉。但是颱風最重要的時拵，雖然在地下、地下看的是已經簡那嘿氣、風佮雨，帶來風雨安呢交加嗲尬嗲轉爾，其實在颱風的時拵雙眼，現在世間人嗲講颱風有颱風眼，颱風眼，啥物呼做颱風眼呢？
其實在這個颱風形成時，本來是感覺講風是自然的物件，但是伊是一個活的物件，所擺在颱風當中的時有一個颱風眼，颱風眼等於咱人來講就是目睛。一個颱風形成有的是一對的目睛，足大足大的範圍，有的是兩蕊目睛會互相運化、互相去轉、互相去觀看安呢；兩蕊目睛的時看的範圍卡闊卡長遠，一蕊目睛卡單獨，但是一蕊目睛看的時，伊迄個颱風比較卡惡、比較卡重。
但是伊生存這目睛欲創啥伙呢？等於在咱人嗲講是一個神力，伊迄個目睛的作用就是看地下各方面，迄個時拵順遂在一個胎，胎這地下的善惡，等於尹用這個颱風的時拵去整頓地下所有的動植物。譬如講動物啦、植物啦攏同款，呣是簡若講人的問題啦 ! 因為在颱風過的時無分講人、物件啥伙，萬物攏是尹欲去幫助欲去破壞的對象，但是尹就是利用這颱風伊這目睛，這目睛是足小足小，但是連地下幾棧幾十棧尹都看啊足清楚，呼做颱風眼。
目前的科學家是講看佮簡若像一對眼睛，其實伊是一個能量的代表。所以這個能量是無可限制的，雖然一個颱風小小來講，但是一個小小颱風來講，伊的時拵會當看到足遠，比如說周圍。所以在尹颱風形成佗一條線路走，尹的時看到佗一個所在卡好卡孬，所以尹會臨時去轉用轉、這轉遐轉，轉佮講伊看到尹欲去整理的抑是欲去幫助的所在，伊就把歸個風勢轉變，歸個風雨的時去佮轉變。
尹就是有這種自然的力量，嘛是同款所有在這無形界的操控，利用颱風的時拵颱風眼，啊颱風眼是啥物人主宰的呢？當然啊，是一個無形界的主宰。所擺雖然颱風的時拵颱風眼伊看起來是佇這內圍是真小真小，但是內圍的空間是靜的、靜止的、靜恬的，所擺尹佇內底咧運化咧做，比例講咱即嘛世間人講的一個工作室。伊在內中的時拵是在工作，要怎麼樣在那裡，其實足最無形界的人佇內底運化佇遐轉，該當怎麼樣怎麼樣，像講世間人欲開會創啥伙，在嘿所在在運化在轉，該要怎麼做怎麼轉轉，伊控制局勢，對流會使走來走去，轉來轉去安怎做，攏有一個物件在迄個所在尹咧操控、操控啥的。
所擺平平一個颱風的時拵，有倘時一個區域，這所在明明這風是欲、本來預定是欲這個區域損壞去破壞啥，但是有倘時可能一個氣流轉勢，把歸個颱風整個攏趕唯邊仔去，會使轉嘿路草會使咧行咧踅，所擺在這個地區性的善惡，對這人對這氣真重要真重要。
但是人、管理者當然呣知影這種奧妙的道理，嘛呣知影這種的原理，所擺用科學的根據，但是科學根據是一般咱人所研究出來，慢慢學習了時亦未到迄個深度的境界，等伊到深度的境界迄拵則有法度完全清楚颱風的形勢，了後所造成傷害佗一個所在，嘿則比較完全會當正確。 所擺人目前對這個颱風的認識度，可能到這個差不多百分之七十八十而已，亦未完全的去完全了解。
等到人類有法度發展到完全，以後眾高靈來轉世了後時，會當把這個大自然的風雨、所有地下的物件做完全掌握迄拵，亦是講進入大同的世界，人類所擺攏行向善的地步去走，那迄個年代挌呣知影是幾千年的代誌哦！這將來慢慢去體會，因為在這個人間這塊地球各個空間，各個空間攏是愛這個大整頓，慢慢整頓，整頓慢慢形成，可能一代人換了換迄代，迄代挌換了一代，慢慢慢慢人那修那高，境界那高。
境界那高時一括人類慢慢會足最足最思考，一直行到大融合大洽和的時拵。迄拵則是正經呼做天下所有的空間，抑是地球界來講，伊是一個大融合，迄拵正經是呼做人間的大樂園。迄拵所有的思想想法啥的，正經攏是嗲對這個地球和善、和樂和藹安呢，比較說競爭有、鬥爭卡少。這是慢慢時慢慢愛行到的一個趨勢，這個趨勢一定將來會當行。
這個颱風本身是安呢，比如講這次的颱風雖然在這個台灣，咱這個台灣的寶島，其實伊是徛在迄個公海的所在咧運作，在公海即嘛人講呼做太平洋，其實嘿是公海。公海颱風引來到遐的時，伊是雖然佇頂高咧飛咧走水倒落海，但是伊是影響歸個公海，咱講太平洋公海的地下，地下所有的水流整個改變，改變了後時、水流改變到足深，若深的時拵對週圍的陸地改變會納最。
比如說可能伊嘿水流佇下底，咱徛在路上的動植物無感覺，但是伊是一直影響到這所有的地，譬如說週圍的地，所有太平洋這公海週圍的陸地，攏總會去影響這地質，伊利用這個機會去慢慢去深入了後去開發去轉變去深入，安呢慢慢每個所在，甚至順遂用這神力推進，土質還有地資源做一個轉動移動，在這無形中慢慢去轉動。所以這是一個在無形界嘛是算一個真大的工程工程。
然後再講這個物件，譬如講咱最近的時，世間人嗲講的呼做疫情啦，其實這個疫情的時，目前雖然講世界各個所在攏會得到這物件置咧，嘛是一個天上無形界的對人間的大整頓。雖然大整頓，因為人口已經超過所有預定的數，所擺凡間人的時拵造成亂佮貪念佮享樂享受，這是真正常的代誌，所擺一定愛一個大整頓。但是經常有做颱風的所在，了後時這疫情伊慢慢會降下、慢慢降下，因為颱風來的時拵，伊是帶上足好的氣流，了後時去改變，把無好的物件去消滅掉轉掉，一次來的時拵可能會消滅挌卡最的這疫情。
這疫情當中在這有形界是講靠藥物啦、打針啦創啥伙，這會當去改變，其實呣是安呢；因為在這是人間會製做一括財務的分配，財務的分配安呢了後，各國各國會感覺，大家會有一股的善心，大家互相去愛護。可能利用這個趨勢的時拵，大家以疫情以疫苗的問題來各國的交流啥的，會產生足最無形中的國家佮國家、國與國的變化會去轉變了後時，其實是一種的融合啦 !
把各國各國的時利用這疫情了後，卡會忘記了講欲戰爭欲創啥伙，目前這疫情對世間人來講是一個整頓，嘛是好的物件。因為該處理該人該收、該轉該迄個時拵，因為目前凡間已經人類佮動植物已經是超量了，所擺愛做一段的整頓了後慢慢互伊這個數降、挌降卡低落來，因為地球載荷量已經超量啊 !
所擺在無形界警覺到這塊的時講，挌再無大整理的時，將來這個地球負荷量相最相大時，到尾仔會影響別的空間，影響別的空間了後時，萬一地球若佗一工去互伊失落，佗一工有一個麻煩了後，別的空間攏是凍勿調；可能互地球佮歸個扯過來，然後各個空間會影響，影響的時歸個一個一個星球掉落。
所以地球目前的空氣、空氣的時熱度已經相過熱了，所擺在無形界一括眾高靈警覺這塊了後時，尹溝通用心在整頓。所以整頓的對象就是講能力相過強的靈界的朋友、相過破壞相最嘛是愛整頓愛除；人的所在相過超過人的思想、人的範圍去破壞相過最的人，無論挌卡厲害的人伊嘛是愛整頓，這個是真重要。
在這疫情的時了後，慢慢慢慢過一段時間，在這個短時間啦，短時間人心若完全轉變，可能到三年至五年則有當完全去絕跡啦；人心若挌無改變的時，可能迄個區域的時會挌再來惡化。所以無論你疫苗安怎發展挌卡卡好，嘛是擋這種無形界的整頓擋伊勿掉；因為人總是勿當勝過這個無形界的智慧啦 !
無形界這種的智慧，尹這種是大工程的整理所有這個空間，尤其目前卡嚴重的是地球的空間啦，當然別的空間是有，但是無地球這呢嚴重，因為在地球界生活的人感受卡最，啊外個空間的時咱卡無感受著。其實有的空間佮地球嘛同款，嘛是咧受整頓，有的所在嘛是，因為每個空間攏是愛整頓了互這個所有的宇宙間的空間的人，各個攏會當過了真好，麥講任何一個空間被破壞掉，然後去影響別的空間。
當然啊，摕佇地球界的人，地球就感受卡最、享受啊，因為享樂慣習啊，攏是愛好的，無好的就凍勿調安呢。其實這疫情並呣是講蓋嚴重，只要你用心體會，用心在日常生活中卡平常心，安呢了就會當過。因為目前疫情方面有啦，細菌嘛是去找人嘛是有目睛的啦，勿合的人伊嘛勿侵入啦，會合的伊則會去侵入，攏是安呢。
這空氣中咱講塵蟎、塵埃、灰塵，在這空氣中會到處流、遮流遮走遐走遐走，無一定人佮人會去傳染而已，呣是，空氣中伊自動會散發、自動去附在你的身上。啊這次的疫情是針對這人類，將來會一波將來下一波針對這個動物、植物、飛禽走獸，迄拵整頓的時拵，在人類簡若食的物件發生問題，迄拵挌卡恐怕。
所以人心若無完全改變，整頓了無改變過來，將來會比即嘛挌卡掭，因為人靠啥，靠食物嘛，食物來吃，食物迄拵若動植物攏有發生問題怎樣，連食都呣敢，迄拵的死傷挌卡悽慘。人類欲保護家己，一定愛發出善良的心念，家己則保護會條。在人生過程中攏是愛去思考，愛去思想，人佮人互動了後，總是愛用善良的心境，去大家互助互愛，然後互相研究，這人生就是安呢過啦 !