在人生的角度，如何來談論呢？人、自先天降落來後天了後時，所謂人、生落來生活中的，一生的種種的過程及波浪人生的角度。

    人自離開先天降落來為人了後，經過父精母血，家庭的環境、社會環境的成長，慢慢行，行到孩兒、少年的時拵，學習了後天種種的知識，把先天的靈性勘起來，勘起來了後時，迄當拵就是講學了後天的知識。

    所以講社會的大染缸，大染缸就是講這個混濁的世界，所擺人則講呼做凡塵，所謂凡塵、凡間惹的塵埃，所謂塵埃就是講種種的物件、種種的學習、種種的互動、種種的互愛，包括苦澀酸甜的經驗、的勞動、的努力，這攏是做人在這後天了後時愛磨練。為何愛受這個磨練呢？

    因為人在先天在靈界、呼做先界，或是別的空間時，成長了比較卡慢，所擺人在這做神的時拵、在靈的時拵有迄種貪慾，欲感覺講把這個靈性提高、能力提高的時，在天界的時拵或是在別的空間，欲進步無赫呢緊，所擺會感覺講安呢時生活上，一工過一工，一直塊過一直過時，感覺無啥物成就感。

    所擺愛選擇來，來這個地球凡間的時來，來佮咱湊陣學習咱多采多姿的繁華世界了後時，則會當互伊比較成長會卡緊，感覺會卡緊。所擺，在這個社會中，所謂講凡間，凡間就是講在這個地球界的時拵種種的色彩。

    所謂色彩就是講真最空間的人來到遮，所生活的無同款的奇奇怪怪的時，包括鬥爭啦、仁愛啦、慈悲啦，種種的物件了後時，人則會感覺講是一個成長，一個互相互助、然後互相刺激了後時，成長了後時，靈性自然就會提高、提卡高。

    就知影講、哦、原來人欲安怎修啥，無論好孬攏總在這個社會上時塊攪滾、塊混了後時，有人心思卡好、想法卡好時，自然伊的角度想的就無同款。當然啦，到起碼啊時拵，在社會環境中成長，到尾仔伊嘛是愛把伊的能量提升，功能找出來發揮，安呢降生做人則有一個目的。

    咱所謂說在凡間所生活每個人的時，攏是靠這個氣力，氣力這氣的時拵在成長中，慢慢仔伊就變一個能量，靈力的時了後慢慢伊會清楚，清楚就是講把這後天的體，後天的體來敆這先天的靈氣，先天靈氣敆這後體了後時，自然會清楚。

    所擺講人修到尾仔，凡間人、上界境界會當修到這個體化，體化，所謂體化就是講，一個靈和一個體已經敆做夥，所擺這身上，身軀的時就會輕、會輕浮。所擺，自古以來所有修行人、修道家的時拵，伊攏認為講人所食就是愛食素食啦！

    因為在素食中比較卡輕嘛，比較卡無迄個污濁污染的時拵，所謂污濁是講動物的物件，動物比較卡重量、重量卡重。殊不知咱人在這萬物食了後，經過你的體化，體化就是講你的五臟六腑的時去運化去轉，到尾仔伊攏是變成一個氣佮能量安呢。氣佮能量，攏是食萬物的物件，攏總是欲在你的身上應用去轉安呢。

    這體的時拵，應該講起來是佮食的的角度無同款、無同無啥物影響，呣是講你食素食，沒食腥了後，你就會卡高卡低安呢，呣是安呢。但是食著動物的物件，主要緊伊嘿消化會卡慢，卡慢的時，但是伊製造的氣、靈力，顛倒比較會當卡強卡有力。

    所擺，在這個食的方面，一般在這個先天的靈性來講，伊在迄個降生了後時，伊的體質有需要啥物件，就去補充啥物件，所以講，假使無需要食赫呢最物件，你的選擇一個角度就可以，對有利伊的靈性的修性、靈性的想法，修行是安呢。

    修，在修就是修心養性，把靈性提高了後，挌再這個體了後時，慢慢伊會使靈體佮後天的氣會當敆做夥，上重要是在修這落物件。咱上高的境界，會使講修到一個身體的益氣化，益氣化就是講，靈佮這個體互相敆做夥，敆做夥了後時就是講伊的靈性、伊的體會當輕浮，會當卡輕，慢慢會當往上去振動，移動了比較卡緊，身輕如燕，靈性嘛卡高，功能卡大。

    人在這個修行當中，每個人角度、每個人想法攏會無同款，所擺在這個眼前文明的世界，大家攏想講用這個學問啦、思想啦，用學問中來去研究，用道理中來去刺激家己的想法、思想了後時，應該對這個修行有利於修行的角度。所擺眼前的時，經書啦、道書啦、藏書啦、種種的書啦、種種的勸世的書啦，種種的物件就是唯人的思想中去轉變，改變了後時，把伊的思想中去轉換。

    殊不知講這個天地萬物的時拵，養萬物的時拵，這攏是一個大自然的環境，循環在道理安呢，只有在這個各人思想中、修行家的認定啦！伊認定講這種植物的時拵，就是講咱如果無去殺生啦，無看見血啦，感覺講會有一個慈悲啥的、種種的物件，所以造成卡有利於修行啦！

    但是，佮想倒返來，萬物攏是安呢，就是植物嘛是同款，雖然伊是比較卡無感覺著啥伙啥，但是植物伊嘛是有伊的性命、嘛是會結束，呣是講一定菜、人、物件啥，攏是供應人食的，呣是安呢。伊有生存伊嘛有生存的權利，但是伊就卡弱、無法度振動；強的食弱，在這社會中、世界上、自然界的時攏是安呢。

    強的去食弱的，弱的是來幫助這強的互伊去提供體格，就是講互助，咱一般塊講這個物件攏是互助互養啦！你助我、我助你，你有需要你就食我，我有需要我就食別項，別項挌比較卡弱的，我就食嘿，有需要的去食，就是互來互去、助來助去，互助互愛在人間。

    在人間人嘛是同款，人的時嘛是互助，比如講你這個家庭卡散啥的，你就卡有啥的時，我都慈悲心愛心啥，我是幫助你，幫助這人，啊把這人幫助，其實幫助到尾仔伊有嘿能力會使去幫助，其實這個大地的時拵，攏是萬物互相互助，人嘛是互相互助。

    挌再講，人佮動物上，動物嘛是互助了後時，譬如講動物咱有需要互伊去食，其實動物萬項物件，你甭幫助伊甭睬伊，伊家己嘛會當家己自動去生活，伊嘛是同款生活。比如講一欉樹仔，你攏甭佮澆水攏甭睬伊，到尾仔伊天地自然的氣、能量，伊自然嘛會成長起來，伊自然就會成長。

    所擺萬物的時拵，攏是有一個自己生存的權利，自己生存的能力，迄種有法度幫助家己的能力，是自然界所附互伊上大的能量，無論人、咱講萬物啦！所謂萬物，當然人是其中的一部分而已，只是人的靈性卡高了後時，自早以來，這天所設計的就是欲互這人來管理萬物。

    殊不知人到尾仔管理了後，去佮家己的權力提高，隨心所欲欲安怎就安怎，就無去尊重這個萬物。所有萬物、所有動物啥的、包括礦植物、靈魂啊啥的，攏總是人愛去尊重的。到尾仔時拵，人就是變成了一個貪慾私念，私念當然就是利用萬物，伊所謂欲挃欲愛的物件啥，製造伊認為講伊有需要的物件安呢，變成講所有的破壞大自然、破壞萬物就是安呢來的。

    所以講破壞，本來這物件，萬項物件攏是利用，利用到一個適度就會使，發展一個文明到一個程度就會使，人會當去利用去互用。殊不知人幾十年了後時，發展的物件，伊會當欲佮伊幾百年、幾千年、幾萬年，所以整個大自然破壞。

    以前人這個設計者、創造者的心思時，把萬物落來時，攏總所有攏有定位，這個位的時固定週圍生存，會當提供生存條件啥，幫助萬物，互相影響。互人幾十年的生活或是幾百年的生活，目的嘛是把全世間生存，降生了後就是欲佮伊提昇靈性靈力，互一個有利伊本身提升伊的能力安呢了後，再挌返去別的空間去，再製造別的空間的繁榮，安呢而已。

    殊不知人一個貪心了後、貪慾了後，貪慾了真最了後，自然將這啥伙種種的時，就是來佮伊破壞、來佮伊剉掉了後時，到尾仔的時了後，則整個大地變化，連氣候、山川、河流攏總變化了後時，到尾來就變成大地就孬居住了。到尾仔互生互殺，互生互殺時，發明了一括不應該不利益人的物件，發明出來變成互相殘殺、互相殺掉安呢啦！

    挌再講倒返來人生的角度，為何叫做人生呢？人離開先天落來、降落來凡間，所以咱講呼做人生，人生的呼做人，降落來人，其實萬物攏是無名無姓啦，是後來是強名為這人。所擺這個拆字家佮講這個人是：兩撇兩隻跤徛條咧、一隻頭拄天啦，所以呼做人，表示講是天生的、地養的啦，天生地養，是安呢的解釋。

    其實人的時，降生就是講、拄仔說過空間，別的空間真最攏來到這個地球上，所為地球，這生活上會感覺講，哦，安呢有利於修行啥伙安呢，是安呢來的，這生活上基本唯遮來的。但是，欲安怎重回你的空間去，所謂即碼人啦，佮美其名呼做修行，修行，有利於修行。

    其實，這修行是一般創造者的心思啦，創作者的心思，到尾仔時，大家有一個共同的名詞啦！就是講，欲佮人無同款，為著欲佮人無同款時，特別設計一套出來了後時，是一個創造者的想法，所謂宗教家的想法、理念啦！理念了後時佮創造出來，講咱就是佮人的生活無同款，另外欲提升一步，感覺比較卡高級啥的時拵，所以佮人無同款，表示講這修啦！

    修就是講欲修家己的心性了後時，啊去行動；行動就是講一句孬聽的就是講，控制別人的思想、思維安呢，把家己的理念佮想出來，想出來時拵設計一套了後時，有利益伊本身欲修行、本身欲行啦，啊共同去揣一括人來湊陣做。比如說，驚家己修勿起來嘛，啊修勿起來愛去揣一括人來，人揣一括佮伊共同理念，來認同伊的理念了後，共同把這路走起來安呢。

    殊不知在這修行家或是宗教家啥伙時，伊這個智慧若無夠，智慧無到遐的時拵，所擺所設計創造出來的時，攏是會偏差啦！伊嘿誤導人啊、誤人真最。殊不知你把迄個教條、教規佮定出來了後時，大家攏來守這個教規，但是有的人就是對這個教條不合時，你也強制佮壓制，壓制了後時變成講把人的思想上壓制，把人的想法壓制了後時，不利於每個人的修行。

    其實在這修行家、創造者的時，上大的智慧是安呢啦！會當引導伊行伊的路，呣是一定愛行你的路。上高的修行家、創造者是安呢，是講有法度引導每人的思想，每人的想法，每個人的功能，這塊你提供互伊，按照伊的方法、按照伊的路去行，然後互伊去發揮伊迄塊起來安呢，呣是伊修行，就愛修行你這塊。

    比如講這塊伊認同你的理念，你的理念會合的時，伊就貧惰無愛去發掘、無愛想，啊欲修你的理念啥伙時，當然這引進唯你遮來，你就按你的方法、按你方式去引導伊，啊互伊去行安呢，安呢行來時就是講修宗教家的門派啦！宗教家的思想啦！

    比如說伊修了以後，可能後擺思想、想法、講法啥攏佮你同款，安呢等於就是塊修這宗教家創造者的思想。啊因為伊貧惰去發掘伊的功能，互伊功能出來，伊嘛無愛出來啦乎！啊既然無愛出來時，啊就修你的嘛乎！所以即嘛社會一般人攏是愛安呢，貧惰發掘家己的，攏是欲修宗教家抑是師父的思想啥，按照伊的路去行。

    因為安呢卡快活嘛，人設計好啊嘛，設計好就按照伊的方法去行，伊的方向去行，安呢了就呣免去動腦筋啥的。亦就是講，這種思想設計好佇遐，有一個借鏡，有借鏡去行了後，安呢比較卡好行，人就不用動太最腦筋安呢。但是一個孬處就是講，伊來降生這個人的目的，是欲行啥物家己的路，遂呣知影倘好行，啊呣知影倘好揣出來。

    呣知影倘好揣出來自然就迷迷糊糊，到尾仔本來講伊欲行往東，結果修唯西去，佮伊路相違背啦！但是在這期間，伊若講欲轉變伊的路安怎，也可以，但是轉變時可能成就無伊卡早欲落來世間迄拵想法赫緊。因為人活咧世間都有帶功能落來嘛，你功能落來、迄個時拵，你無去揣到家己的人的功能，遂去揣著別人的功能。

    當然是轉境可以，但是你欲轉、轉為別人去的時了後，你家己的功能愛挌揣出來，揣出來了後時，家己的功能出來，別人挌入來佮你的功能了後，哇、迄拵你挌進步卡最，所擺呼做體驗的人生。體驗人生就是講萬項物件攏總體驗，有利家己會提高靈性的時，嘿你佮收入來，變成你的挌再提高、挌加一項挌出來。後擺你的靈性轉生輪迴了後時，你的靈性挌提高，到尾仔時對你有幫助，這是好的。

    但是你靈力若無夠遐，功能無到遐時，你是家己的物件發掘出來了後時，嘿上蓋高的境界就是、有法度把家己的功能揣出來了後，挌再吸收別人好的所在，佮伊容納入來在你的身上。安呢了後時，後擺你會體化，靈體佮體化兩個敆做夥，再提升、那升那高那高，後擺的時拵你到別的空間去時，這呼做提升，也是人生來這個世間的目的。

    世間最大的目的是安呢的功能出來，出來以後時，你活咧後擺的時功能就無同款、無同款，在這世間你所行過所路過的，就變成你這一世人的人生的體會，最後講體會人生，就是上大的功能就是安呢行，了後，你把這個人生、人性往上提升。

    在這人生當中，無論講你幾歲，你講你設計三十年五十年一百年，幾年攏總是家己去應用啦！本來人的性命是無窮盡的，活著的時是沒完沒了啦，但是你的身體無顧好無轉好、思想無轉好的時，攏會家己設計一個劫數，這個劫數落來時，身苦病痛啥伙時，有倘時一個小劫或是一個不小心的，攏會有損身命。

    因為人落來的時拵，有一個體嘛，你講有一個體講真好是真好，但是這個體會影響到你的生活上這個機能啦！機能若無好，這靈就無法佮好這體，這個體無法度應用。因為咱這個體，咱一般講假體假體，假體的時就是附這個靈互你，這個體則用有路、則有路用。

    你若靈力雖然有，但這個體的機能若無顧好，勿當振動、勿當轉變的話，這個靈亦無法度應用，了後這個體，這個假體自然就無功能，無功能這個靈自然就離開。靈離開了後時，有的人、靈離開了後，伊會把這靈力提高，提高到別的空間。有的靈甚至到尾仔踮世間貧惰，因為貧惰修嘛，能力無夠高，無夠高時到尾仔低，低到尾仔時，當你離開這個體，到尾嘿靈呣知欲去佗位呣知，濛濛渺渺安呢。

    到尾仔時被人去引進，被人去渡化，被人佮伊去招群結黨。到尾仔按照你在這生的能力到佗位，自然伊就自然佮人綴到佗位、行到佗位；有的甚至精神病啥伙時，有的到尾仔動物靈啥的佮伊附在身上了後時，這個靈到尾仔被分化掉，分了後可能去變動物啦、禽獸啦有的無的。在人生人當中，就會被分化掉就會轉掉。

    其實靈攏無進步、攏佇小範圍，到尾仔伊嘿靈憨憨，憨到尾仔時，死了後遂呣知欲去佗位，到尾仔靈的靈力就那來那少、那來那少，到尾仔靈那少被束掉去，束掉這個靈就無去。哦！呣是講咱宗教家塊講這個靈攏是不生不滅啦，永遠是安呢，這個理念是幾千年來幾百年來攏是安呢，其實呣是安呢啦！這靈會當有生有滅，會當滅。

    但是你那修是那高那強那強，那強了後會使挌再分化，分化會使挌再湠，挌再湠了靈會使挌再製造，靈挌再把分靈分開，分開也可以再靈。但是嘿分靈的時愛你的靈真強了後時，則有法度分出去，分出去挌去轉生，挌轉別的空間去，這樣也是可以，嘿是愛修到真高、靈力真高迄拵，則有法度達成這分靈安呢。

    嘛呣是講眼前安呢，現在人是講，啊這反正柴頭刻刻的，挌開光點眼落去，挌一個分靈、分靈。哦！你若修無赫高，你無法度講分幾百尊、幾千尊萬尊啥的，嘿是人的思想、人的思維，嘿是人用人的思想去想法，是安呢佮伊做出來了後時，講媽祖、觀音囉啥物人、三清道祖啥物人，大家歡喜去佮分分的。

    有括分有、到尾仔伊的靈力有夠，有閒到遐去巡去看，到尾仔伊附一點仔靈性踮遐，這是有、是會當，但是無講攏總有、攏總到。比如講一個小家庭家，一個小百姓家的時拵，亦欲挃觀音、亦欲挃三清道祖、也欲挃媽祖欲挃啥的，哦！嘿是無迄落代誌的發生。

    因為在這個觀音媽祖這卡高級啥時，這是人的思維塊想，伊在這救世中，伊無注重這形形體體啥，伊跤行到佗位有需要去救，呣是你佮伊收、佮伊點、佮伊拜就欲到位，這是無迄落安呢的事，安呢的想法啦乎！嘿是人的思想、想法思想、一個貪啦！

    到尾仔講我事業勿順，啊遮勿順、遐勿順，我裝一個觀音、裝一個濟公、一個啥物人安呢，安呢佮伊拜拜佮伊幫助啥的安呢，呣是安呢！平常時咱人講做，做人一般上重要啦，就是講人際關係啦、公關啦，你的思想你的專長啥的，在生活上你欲卡好欲奮互卡好啥伙時，你愛加學習一括物件。加學一括物件，有利於在你的生活中去應用，咱講呼做生活功夫啦！

   在生活中的時拵，你愛去學習一括物件啥伙時，有嘿賺錢的能力，有人欲認同了後時，用這方法、用這智慧把金錢去賺去晟，有利於生活，這個是上重要是重要是安呢。啊若講身體上你若無保養，你放伊簡那靠神來佮你保護，嘛無可能啦！但是你靈力有夠啥的時，佮靈界有互通啥伙時，平常會互你一些靈力，咱講氣佮靈力，靈力互你靈力時，幫助你這個體，這是會使的，這是可以。

    但是亦是愛你的、咱講磁場，你佮伊磁場佮靈會合，會合的迄拵伊則有法度去幫助你這種的體，就是靈力嘛，這靈佮靈互動嘛，你的靈就會提昇。但是嘛是愛看你接觸的人，你接觸卡高的時，嘿靈力卡高時接觸的那高那高，這靈會那高，你的靈力則會高安呢。

    在這個高境界的能力攏是安呢，愛心啦慈悲心卡有，卡善心，起碼最起碼怨嘆心卡少，對人掠的角度看卡會開，想卡會開；看卡開這種角度落去掠的時，這種人靈性攏卡高。啊無你講看到人遮無歡喜，萬項代誌攏無歡喜，這亦勿合嘿亦勿合，逐項攏勿合，一工到暗活欲氣死，有的攏是接嘿低下低靈，思想無正確啥的，攏接卡低的靈安呢。

    安呢你的靈力就是往下卡低級，卡低境界攏是這種想不開，啪勿開，對人不滿心足最，伊攏家己的角度為準。但是伊的角度咧掠，家己的角度無一定對啦，無一定掠會對，角度伊若掠呣對，伊的靈性那來那低安呢，若欲提昇就卡困難。歸工攏是塊想嘿不如意的代誌、孬的代誌啥伙時，攏無法度解決。

    其實世間事，萬項代誌你攏是愛去解決、弄乎順。拄著你不如意，認為你無歡喜、無感覺時迄拵你就愛佮伊處理伊好安呢，處理互順的時，則對你的靈性卡有幫助。啊無你的時，對你的靈性無幫助，無幫助時自然嘿靈就那來那低，無法度往上、卡高的境界去安呢。這是做人，人生的角度掠到尾仔，上夠尾仔的掠，就是講會當修佮靈性提高。當然啊，上蓋重要是這個體啦！

    你若有法度修佮高境界的體時，互伊益氣化，益氣化就是講靈佮這個體敆做夥的時，這身上會輕，輕了後時自然啥物時拵物件食入來，萬項物件食入來攏會當去佮伊益氣化，攏佮伊轉掉轉掉，到尾仔變成氣佮能量安呢。迄拵你食，可能免食蓋最，但是一定愛食，因為你腸仔肚若無物件，無互伊去運化去轉時，你就無嘿氣佮無嘿能量，攏是愛有一括氣，氣則產生能量啦！

    氣唯佗位來，就是唯萬物食啦乎，唯萬物落去食，萬物通通是欲食，所以你認定有需要的物件，有適合你體內的物件了後，你就去食。食到尾仔伊高深的修行家，食物件、萬項物件食的攏總是把它轉為靈力能量，就會當把身上物件到尾仔講是，身上自然會當排毒，所以毒的物件到伊迄爿，物件攏會轉化了，這就是上高的境界，把身上益氣化，這呼做人生。

    人生最後的角度就是把能量提高，身中體益氣化，靈佮體合一，安呢就是一個人生從頭開始到尾仔。所謂人生就是唯遮來，個人的想法攏有益伊個人的一套，個人迄套修行法佮伊掠出來了後時，這個社會每個攏做創造者時，來佮伊奉獻互社會眾人，互伊和藹社會，人生就達成目的，則有達成這個人生的目的安呢。