逐擺塊講啦乎，逐擺講啥物嘿代誌咧有理無理啦，攏佇遐塊辯啦，佇遐塊辯理，理到底是啥物人有理、啥物人無理哦！嘛呣知影講啥物人卡有理，啥人卡無理啦，就一工到暗置遐塊講嘿有的無的啦，五四三啥一大堆啦！正經家己正經欲做的代誌，家己呣去做、攏呣去做、攏呣去發揮，簡若講安呢攏塊顧別人的代誌啦，別人的代誌足清楚足清楚，家己的代誌攏無啥清楚啦！這種的就是咱、哈哈、世間人的通病啦，攏是安呢啦！
你講問伊講「啊你身體是安怎會甘苦，毛病唯佗位來？」伊講「呣知影，感冒寒著的款啦，我嘛呣知！」呀呣挌若問著別人有毛病啥，就「哦、你塊甘苦哦，你可能就棉被無蓋啦，亦是衫減穿噢！」呀講別人代誌攏足清楚啦！哈哈，世間人攏是這點塊疏忽啦！疏忽了後時，往往啦、往往的時講人的代誌，人是已經行已經行去已經成功呀，啊伊亦挌佇遐塊等啦、佇遐塊原地咧踏啦、佇遐塊踏勿出去安呢。
哦！人啊人活咧時，呀是有影真趣味啦乎！因為活的時大部分攏就是安怎！家己正經家己的代誌、家己的問題，攏勿去用心，呀攏用心用佇別人的所在，呀別人的所在佗一瘩欲安怎做欲安怎清楚啥伙，攏是足清楚足清楚安呢。啊家己的代誌，攏愛去問別人看欲按怎做，欲按怎做，家己的代誌，正經嘛安呢傱勿出來安呢，啊足奇怪！這種就是安怎？這種呼做人生啦！人生若這種人就是迷迷糊糊的人生啦！
所擺咱塊講，逐擺若講嘿事業家企業家、卡有成就的人啥的攏卡自私啦！一般人攏講卡自私顧家己嘛，呀攏顧家己，亦無塊顧別人安呢，攏為著你家己安呢，殊不知你呣知影啦乎！會成功的人，會努力的人，會打拼的人，這種的會成功，伊攏是安怎？攏是唯家己先去體悟先去想出來，呀有問題先去解決，解決了時拵伊就用心佇家己的身上。比如講身體上啦，事業上各方面，攏用心佇家己的所在佇遐塊做勿了啊，所擺伊就卡無時間倘去管顧別人，沒時間去想別人的代誌。
哦這種的時拵，在人世的人伊講安呢卡呣對、呣對，因何攏顧家己，無顧別人！但是殊不知這種卡高級的人就是攏安呢，高級的人伊愛家己先修好嘛、做好嘛，做好了時、處理了好了後則有去照顧別人呀，別人伊則照顧會著。呀無，伊若講一個人的時間，攏用嘿時間攏塊做好心，攏塊幫助人，這幫助遐幫助，結果別人攏幫助起來啊，大家攏去走起各人的路，結果伊亦挌佇下階層咧行咧踅。
因為伊無時間倘去進步嘛，無時間倘進步攏用別人的代誌，叫人欲安怎做安怎做。結果人卡笨的人就聽伊講欲安怎做就安怎做，聽伊的話，人打拼做就一直做去，佮指示了結果大家起去，啊伊迄個時拵，伊亦挌佇遐原地咧踏。所以你講政治人物足最卡敖的人是安怎攏做一個出口，憨的人攏做主事者負責做安呢啦，嘿敖的人會設計啦，創啥有的無的啦！憨的人叫伊安怎做就安怎做，呀憨憨仔綴咧行，耐性卡有，就是堅定啦！啊你叫我安怎做我就安怎做，安怎行就安怎行，安呢堅定堅心這個目標安呢。
呀佮人設計的人攏是安呢，目標設計去互別人，叫人安怎安怎做，啊其實若是講叫伊家己本身安呢來做，伊家己嘛無法度，家己做都無法度做安呢，因為伊攏講互別人去做去轉，家己正經攏無咧做。啊比如講佮修行人同款啊，修行家大部分足最主持啦、大師父啦，大部分攏道理捌呀一大堆啦，講啊足最啥物攏知影攏清楚啦乎！清楚了後時伊就是講，啊你這徒弟、你這後學啦，你欲安怎做，我佮恁講講的，講講的安呢恁攏知影，知影就攏清楚呀，清楚了後講講、講講互伊去做呀，互伊知影。
結果有的徒弟一個一個起去，一直高去，一直厲害一直成就，結果你呀挌佇遐塊做住持，佇遐塊守佇遐原地踏步，一直佇遐等於攏無進步，因為本身無塊做無塊練，攏講講互別人去做去練，啊家己攏無去進步就爬勿起去啊！
這是人生百態，人生的百態啦，這安呢是無呣對，所擺活在天地間，你若有講欲正經有欲成就有欲啥的時，你一定愛用一括心，一括努力在家己的身上，家己的想法。佇家己的身上安呢了後時，你則有法度會當揣到你的成就感，然後把你的人格提升、靈格嘛提升。人格佮靈格攏提升了後，安呢你就會當活一個無同款的人生。
呀無同款的人生欲做啥！當然啦，一生過幾十年幾十年攏安呢連邊過，但是無同款的人生是把靈格提升，提升的時比如講，別的空間卡好的空間啥伙，咱講神有神格、人有人格、靈有靈格安呢，神格同款湊陣到尾仔的時歸陣歸陣，到尾仔靈格卡高的後擺去管理靈。啊哈哈、靈嘛是愛管理啦！呣是人愛管理而已，嘿靈管理挌卡麻煩啦！嘿大家攏高來高去、靈來靈去，嘿攏足厲害的，大家攏修仔是高靈。所擺你愛修了卡好，比人卡高，卡高級去管別人安呢。
無、時到你去到別的空間，結果呣知影講，我就塊做大師呀，做上師呀做啥伙的，結果我來到遮，你同款你嘿靈的格嘛是愛照頭來，同款去互人管，到迄個時拵，你會過了足無成就、會足甘苦的。因為你到每個空間，每個所在去就無同款呀嘛，迄個所在有迄個所在的管理者，有伊的階層嘛，啊迄個階層的管理者範圍就無同款，你去的時你就完全處在迄個所在，你就去配合啊！
啊你卡早佇你的範圍來講，你置遐欲做王做頭，對啦，做王做頭呀呣是這陣人，愛大家擁護你支持你則有的。但事實上你家己都無佇遐無學啥物件，你無法度發揮，啊無法度發揮的時，你所擺講的物件人勿恰意，提供互人、人嘛無愛挃，到尾仔你這靈就孤單，啊孤單迄拵欲安怎？你若欲去佮人湊陣，欲去招群結黨，佮人湊陣你就去做去學遐，算講做人細漢就對啦，做人的下跤手。
所擺這落物件，人降生為人真大的功能亦是愛萬般啦、萬般家己愛去設去想目標佮成就感。勿使講簡若為著顧某囝、顧尪囝、顧父母顧朋友親晟啥伙了後時，攏置遐塊傱，你遮傱遐傱，結果這是一個互助心互愛心、這親情友情這攏可以，是幫助、用平常心去對待，這攏是可以。呀你若講欲有一個成就啥伙時，你這一定愛家己愛靜落來，靜落來了後時，家己思考，去揣一個方向。
你的方向佮目標，看你欲安怎行，愛定落來愛去設定啦乎！比如講設定你的空間，比如講如來，哦如來，如來界的境界是愛安怎修，安怎樣；如來界卡早是安怎修則會變成如來，啊這條路佮你會合嘸！亦是你欲做仙，做啥大羅神仙，啊去探討去研究這，呀看佮你會合嘸！去看欲安怎修，欲安怎則會去到遐？呀這個所在如來，正經如來有佇遐嘸？大羅神仙正經有佇遐嘸？啊啥物人佇遐，你一定愛安呢慢慢去看，一世人去探討，家己去研究，家己去修仔有迄個靈感。
所謂靈感就是感應，靈感感應啊會去知影，互相會清楚，就是講靜落來時，會清楚會靈來靈去，迄拵的靈力感應了講，可能這如來界佮我會合，呀無，我來去如來界好啦！啊這大羅神仙這研究起來應該會合，呀無這佮我會合、我來修。修一段時間，若講這我會合，修起來挌勿赫呢甘苦啥的，勿講去遐呣好安呢。啊若修了安呢格格不入，無啥好感覺無啥舒服啥，呀你嘛呣好挌修落去，無你浪費時間。哈哈，人生的這時間無偌最，你講十年八年二十年修了呣對，哇！挌從頭來無幾個十年二十年呢！對呣對，嘿真緊就過。
哦！這種的真理在這人間的時，大家卡勿去認同啦，大家攏認同道理，道理的時就是大家的人情世事啦，大家湊陣講，人就塊修，啊嘿修的人就佮我卡有合，感覺佮我卡會合，安呢的時，我就來佮伊修安呢，啊就是安呢看面子塊修啦！你看伊的面子，過去大家勿孬，大家湊陣了好，應該綴伊安呢，這種的面子掛互人。但是去時就呣是像你想的安呢，結果去誤了你的前程。
所擺人生來出世無簡單啦！出世的目的伊嘛是欲修家己的心性啦，功能修互出來，呀去比較佮高的境界，呀呣是講簡那塊顧尪囝某囝父母嘿而已，這是其中一個緣啦！緣佮情，緣佮情去續，互相去善解了結，一段時間啦，嘛勿當講歸世人攏佇迄個父囝尪囝，攏佇迄個所在佇遐塊綁著，該當一段時間，緣、情一段時間了後你就愛放手，互伊家己去自生了。
呀你家己的規劃你家己路家己去行，安呢來做人則有法度講安呢啊挌行起去。呀無你哦茫茫渺渺安呢這過遐過安呢，一日一日過安呢真緊，這時間是無塊等人的，時間無塊等人的。時間到，無管你身體偌勇，錢財偌最偌好額啥物有的無的，醫生偌敖看，時間到嘛同款佮你扯去。啊你的靈力靈的時拵就耗了、差不多用盡呀，用盡了後去迄個空間，你萬一修了呣對，別個空間拄好佮你會合時，拄好人佮你揣著，揣著就佮你扯去啊，扯去迄個空間，伊愛訓練嘛，伊愛重生嘛！
伊嘿每個靈界佮人嘿眾生界攏同款，嘛是愛招群結黨啦，愛一括人啦！就像世間人同款，我就台灣遮過了無好啥的無好過，就想欲換去英國啦、欲大陸啥物所在啥的，呀你認為佮這個團體無啥好無恰意安呢，你就無想欲蹛遮安呢。啊伊遐的人嘛會利用遐的方法塊扯人，「來哟，來阮遮生活真好，看是錢提來亦是安怎，阮會互你卡好的條件啥的安呢。」啊咱這無形界的空間嘛是安呢啦，每個空間攏有塊扯人，遐頭頭攏愛揣一括人去湊陣啦安呢。
所擺人的時拵，人有人的角度，靈界有靈界的角度，所擺在生時你愛修佮好，修佮知影，將來若過往，往生時則知欲去佗一個空間則知影去，愛先揣好。無、等待迄拵你茫茫渺渺出在人扯啦，有的扯挃地獄去，扯佗位去，呣扯挃天堂去，遂扯挃地獄去，啊扯挃下三界去佮人湊陣啥。啊明明我就無食菜，叫我去修佛的遐食菜安呢，啊扯唯遐去，看你欲安怎生活，哈哈哈迄拵就孬生活足艱苦啦！
當然啦，靈嘛有思考啦，同款啦伊嘛有一個思想佮想法，呀迄拵挌卡清楚，無體的時看卡清楚卡知影。哇！迄拵欲講這悲哀挌卡悲哀哦！呣是正經講像這個凡間安呢，無拘無束無啥伙，過了無拘無束的日子過，啊無拘無束的日子過迄拵，你就呣知簡若欲佇遐修都困難，啊你回不了身、回不了身啊！這個人生就過啊！
所擺講人生的角度一格一格，格格攏是學問啦，攏是學問啦！在世的時間去發覺，發覺這理論啦！